Əməkdar artist, tanınmış aktrisa Mehriban Xanlarova keçmiş qayınanası, müğənni Lalə Dadaşovanın ötən həftə onun barəsində səsləndirdiyi fikirlərdən əsəbiləşib.
Qeyd edək ki, Lalə Dadaşova qonağı olduğu "Günəbaxan" verilişində oğlu Zaurla Mehriban Xanlarovanın 20 il öncə evləndiyini və uşaqları olmadığı üçün ayrıldıqlarını söyləmişdi.
Milli.Az xəbər verir ki, ötən həftə Türkiyədə olduğu üçün keçmiş qayınanasının fikirlərinə aydınlıq gətirə bilmədiyini deyən aktrisa publika.az vasitəsi ilə ürəyini belə boşaldıb:
"Mən başa düşə bilmirəm, niyə mənim ərə getməyimi belə şişirdiblər. Ərə getmişəm, əcəb eləmişəm. Bəziləri kimi yalançı toy çaldırıb, gəlin köçməmişəm ki... Mənim keçmiş qayınanamla münasibətlərim normaldır, amma onun söylədiyi kimi, biz uşaq üstündə ayrılmamışıq. Bunun səbəblərini bilənlər bilir. Ərə gedib boşanmaq nə vaxtdan ayıb iş sayılır ki... Həm də düşünürəm ki, üstündən illər keçəndən sonra bu barədə danışmaq, mənim şəxsi həyatımı gündəmə gətirmək lazım deyil".
Milli.Az