BMW-dən iki sensasiya - FOTO

8 May 2015 23:48

BMW Group avtomobil konserni hər il keçirilən Concorso d'Eleganza Villa d'Este 2015 müsabiqəsinə "sensasiya" doğuracaq iki konseptual model gətirəcək. Sirli yeni modellər haqqında hər cür təfərrüat və detallar çox ciddi olaraq məxvi saxlanılır. Ola bilsin ki, İtaliyada keçiriləcək sərgidə geniş ictimaiyyətə Phantom modelinin 90 illik yubileyinə hazırlaşan Rolls-Royce konsepsiyası təqdim ediləcək.

Milli.Az 4charx.com-a istinadən bildirir ki, möhtəşəm Concorso d'Eleganza Villa d'Este sərgisi həmişə "təkərlər üzərində incəsənət" hesab edilib. BMW markası hər il İtaliyanın şimalında keçirilən bu sərgidə böyük iştirak təcrübəsinə sahibdir. Məsələn, məhz bu tədbirdə vaxtilə M1 Homage, Gran Lusso Coupe və Zagato Coupe kimi nəqliyyat vasitələri, BMW 5-Series, 3-Series, 6-Series və 7-Series seriya avtomobilləri prototipləri ilk dəfə nümayiş etdirilib. 2015-ci ildə bu möhtəşəm avtomobil tədbiri mayın 22-də işə başlayacaq.

Milli.Az

Böyütmək üçün şəkilə klikləyin.