Qəzada "Jiquli", "NİSSAN" və "Daewoo" markalı avtomobillər toqquşub
Gecə Bakının Xətai rayonu Nobel prospektində 3 avtomobil toqquşub.
Milli.Az-ın anspress-ə istinadən məlumatına görə, hadisə zamanı üzü şəhər istiqamətində hərəkət edən "VAZ 2107" markaklı maşın əvvəlcə qarşıda gedən "NISSAN" markalı avtomobillə toqquşub. Hadisədən sonra əks yola çıxan "VAZ 2107" həmin istiqamətdə gələn "Daewoo" markalı başqa bir nəqliyyat vasitəsinə çırpılıb. Hadisə zamanı "VAZ 2107"nin sürücüsü xəsarət aldığından o, xəstəxanaya yerləşdirilib. Sürücünün yanında əyləşən sərnişin isə aldığı xəsarətlər nəticəsində hadisə yerində dünyasını dəyişib.
Qəzadan sonra hadisə yerinə Xətai Rayon Polis İdarəsi və Dövlət Yol Polisi Şöbəsinin əməkdaşları cəlb olunublar. Qəza ilə bağlı araşdırmalar aparılıb, sürücülərin izahatları alınıb. Aparılacaq araşdırmalardn sonra qəzanın hansı səbəbdən baş verdiyi məlum olacaq.