Təyyarə düşdü - 2 ölü

4 May 2015 21:45

Çinin şərqində yerləşən Anhui əyalətinin Huaybey şəhərində kiçik bir təyyarənin düşməsi nəticəsində iki nəfərin öldüyü bildirilib.

Milli.Az "qafqazinfo"ya istinadən xəbər verir ki, bu barədə Çinin Şinhua xəbər agentliyi məlumat yayıb.

Havalandıqdan qısa bir müddət sonra düşən təyyarədəki amerikalı pilot və çinli sərnişinin öldüyü qeyd olunub.

Məlumata görə, düşən təyyarə ölkənin Hina əyalətində fəaliyyət göstərən Corc Heintz Təyyarə İstehsal Şirkətinə aiddir.

Təyyarənin eniş səbəbi ilə bağlı məlumat verilməyib. Qəzayla əlaqədar istintaq başladıldığı qeyd edilib.

Milli.Az