"Mercedes"lə toqquşan "VAZ" velosipedçini əzdi: 3 yaralı

4 May 2015 13:49

Bərdə rayonunda 3 nəfərin xəsarət alması ilə nəticələnən yol qəzası baş verib. Milli.Az El TV-yə (Region TV) istinadən xəbər verir ki, hadisə Bərdə-Yevlax magistral yolunun Cəyirli kəndi ərazisindən keçən hissəsində qeydə alınıb.

Şahidlərin bildirdiklərinə görə, hərəkətdə olan "Mercedes" markalı avtomobil "VAZ 21 011" markalı minik maşınını vurub. Zərbənin təsirindən bir neçə dəfə yuvarlanan "VAZ 21 011" yolun kənarı ilə hərəkət edən velosipedə dəyib, sonra aşıb. Nəticədə həm velosipedçi Yunis Taleh oğlu İsgəndərov, həm də "VAZ 21 011"də olan Şamil Oruc oğlu Qocayev və onun qardaşı Natiq Oruc oğlu Qocayev müxtəlif dərəcəli bədən xəsarətləri alıblar. Hər üç yaralı dərhal Bərdə Mərkəzi Rayon Xəstəxanasına yerləşdiriliblər. Onlara ilkin tibbi yardım göstərilib.

Milli.Az