Bakıda Venesiya Komissiyası ilə birgə konfransın vaxtı dəyişdirildi
9 Aprel 2015 15:47
Azərbaycan Konstitusiya Məhkəməsi və Avropa Şurası Venesiya Komissiyasının Bakıda keçirməyi planlaşdırdığı birgə konfransın vaxtı dəyişdirilib.
Bu barədə Trend-ə Venesiya Komissiyasının mətbuat xidmətindən bildirilib.
"Fərdi şikayətlər əsasında konstitusion hüquqlar və azadlıqların müdafiəsi" mövzusunda konfrans bu il oktyabrın 2-də keçiriləcək. Bundan əvvəl isə tədbir sentyabrın 25-nə planlaşdırılmışdı.
Konfrans Azərbaycan Konstitusiya Məhkəməsinin 20-ci ildönümünə həsr olunacaq.
Milli.Az