Günay ilin ən yaxşısı seçildi

18 Mart 2015 09:30

Türkiyədə fəaliyyət göstərən model-aktrisa Günay Musayeva "İstanbul Fashion Week"də iştirak edəcək

Model-aktrisanın mətbuat xidmətindən lent.az-a verilən xəbərə görə, bununla yanaşı Günaya yaxın günlərdə Kipr Universitetinin mükafatı da təqdim ediləcək. Universitet tələbələrinin arasında keçirilmiş qapalı səsvermə ilə həmyerlimiz ilin ən yaxşı modeli kimi mükafatlandırılacaq.

Bu yaxınlada Bakıda qonaq olan və "Baku Fashion Nights"-də modelyerlər Gülşən İbrahimova, Gülnarə Xəlilova və Yıldırım Mayrukun nümayişlərində çıxış edən model martın 22-də yenidən şəhərimizin qonağı olacaq. Günay "Nizami" Kino Mərkəzində media nümayəndələri ilə görüşməyi düşünür. Aktrisa rol aldığı "Kod adı KOZ" filminin təqdimatı üçün Bakıya gələcək.

Milli.Az