Bakıda təhlükəli küçə - VİDEO

13 Yanvar 2015 12:28

Ağ rəngli "Ford" sola dönərkən sağdan gələn "Mercedes"i gözləmədi

İzlədiyiniz bu qəza Bakının Nərimanov rayonu ərazisində qeydə alınıb. Koroğlu Rəhimov və Həsən Əliyev küçələrinin kəsişməsində bu cür qəzalar tez-tez baş verir. Səbəb isə odur ki, sürücülər yolayrıcını keçmə qaydalarına əməl etmirlər. Yəni kim necə istəyir, elə də sürür və axırda da bu cür maraqlı videolar yaranır.

Milli.Az avtosfer.az-a istinadən xəbər verir ki, Daxili İşlər Nazirliyinin "Təhlükəsiz şəhər" Avtomatlaşdırılmış İdarəetmə Mərkəzinin kameraları vasitəsilə qeydə alınan bu qəza görüntüsündən aydın olur ki, hadisəyə səbəb yolayrıcının keçmə qaydasının pozulmasıdır. Belə ki, ağ rəngli "Ford" markalı avtomobil Koroğlu Rəhimov küçəsi ilə hərəkət edərkən Həsən Əliyev küçəsi ilə kəsişmədə qəflətən sola dönməyə çalışır. Yəni qarşıdan gələn avtomobili gözləmədən birbaşa onun yoluna çıxır. Bu anda "Mercedes"lə toqquşma baş verir və hər iki sürücü xəsarət alır.

Əslində isə bu vəziyyətdə ağ rəngli avtomobil sola dönərkən sağdan gələn "Mercedes"i gözləməli idi.

Milli.Az

Videonu izləmək üçün şəklə klikləyin.