17:12
Bakıda qardaş bacısını boğaraq qətlə yetirib. APA TV-nin xəbərinə görə, hadisə Şüvəlan qəsəbəsində qeydə alınıb. Xəzər Rayon Polis İdarəsindən verilən məlumata görə, Bakı şəhər sakini, 1987-ci il təvəllüdlü Tofiq Qədimov aralarında yaranan münaqişə zəminində bacısı, 1989-cu il təvəllüdlü Ramiləni boğaraq öldürüb. Hadisə barədə qonşular xəbər tutublar. Qətli törədən qardaş hadisə barədə əvvəlcə qonşusuna deyib: "Dedi ki, öldürüb. İnanmadım, keçdim baxdım, gördüm qız yerdə uzanıb".
Xəzər Rayon Prokurorluğundan Trend-ə verilən məlumata görə, dekabrın 22-də saat 12:00 radələrində Xəzər rayonu Şüvəlan qəsəbə sakini, 1987-ci il təvəllüdlü Tofiq Qədirov bacısı, 1989-cü il təvəllüdlü Ramiləni aralarında baş vermiş mübahisə zəminində dəsmalla boğaraq qətlə yetirib.
Hadisə ilə bağlı Tofiq Qədirov şübhəli şəxs qismində tutulub.
Faktla bağlı Cinayət Məcəlləsinin 120.1-ci (Qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi açılıb, araşdırma aparılır.
Milli.Az
---------
17:12
Videonu izləmək üçün şəkillərə klikləyin.