ABŞ-ın Türkiyədəki səfirliyində şübhəli şəxs saxlanıldı
18 Dekabr 2014 12:33
Ankarada ABŞ-ın Türkiyədəki səfirliyinin binası yanında İran vətəndaşı saxlanılıb
Trend xəbər verir ki, bu barədə cümə axşamı "Milliyet" qəzeti yazıb.
19 yaşlı iranlı Məhəmməd A .öz çantasını səfirliyin qapısına tullayıb ki, bu da yoldan keçənlərdə narahatlıq və təşviş doğurub.
İran vətəndaşı səfirliyin mühafizə xidməti tərəfindən saxlanılıb və Türkiyənin hüquq-mühafizə orqanlarına təhvil verilib. Onun diplomatik missiyanın qapısına tulladığı çanta boş olub.
Faktla bağlı araşdırma aparılır. İlkin məlumatlara görə, saxlanılan tələbə Türkiyənin ali məktəblərindən birində təhsil alır.