Qəza nəticəsində xəsarət alan olmasa da avtomobillərə və köşkə ziyan dəyib
Ötən gecə Bakının Yasamal rayonunda yol-nəqliyyat hadisəsi qeydə alınıb. Avtoqəza rayonun Zivər Bəy Əhmədbəyli küçəsində baş verib.
Milli.Az-ın anspress-ə istinadən məlumatına görə, adıçəkilən küçə ilə hərəkət edən sürücü Nadir Fərəcov idarə etdiyi "Volkswagen" markalı avtomaşının idarəetməsini itirib.
Nəticədə avtomobil yol kənarında dayanmış Nağıyev Yaquba məxsus "VAZ 2107" markalı minik avtomobilinə çırpılıb.
Zərbənin təsiri nəticəsində avtomobil daha sonra yol ayrıcını keçib və qəzet köşkünə çırpılıb. Xoşbəxtlikdən, xəsarət alan olmayıb.
Hadisə yerinə dərhal Yasamal Rayon Yol Polisi İdarəsinin əməkdaşları cəlb olunublar.