Audi "qaynar" modelini göstərdi - FOTO

12 Dekabr 2014 18:33

Audi şirkəti 2015-ci ilin "qaynar" RS3 Sportback heçbekini məxvilikdən çıxardıb. Mercedes-Benz A45 AMG və BMW M2 modellərinin rəqibi 367 a.g. və 465 Nm fırlanma anı hasil edən mühərrik əldə edib. Bu Audi RS tarixində 2,5 litrlik ən güclü mühərrikdir. Modernizə edilmiş 7 pilləli ikiqat muftalı S tronic transmissiya və Quattro tam ötürmə sistemi ilə birgə bu mühərrik avtomobilin ilk "yüzlüyə" 4,3 saniyə ərzində sürətlənməsini təmin edir. Maksimal sürət 250 km/saat həddində elektron məhdudlaşdırılıb.

Milli.Az 4charx.com-a istinadən bildirir ki, "qaynar" avtomobilin öz sələfindən visual fərqləri yeni 19 düymlük təkər disklərindən, xüsusi şinlərdən, şanvari radiator barmaqlığından, modifikasya edilmiş bamperdən, yeni yan ətəklərdən, damında spoylerdən və oval şəkilli xaricetmə borularından ibarətdir.

Audi RS3 Sportback 2015 hüçbekinin salonunda aşağısı düz idman sükan çarxı, çoxlu dəri və alkantara, yumşaq idman kürsüləri, alüminium pedallar və kompressorun təzyiqinin, yağın temperaturunun və dövrlərin taymerinin indikatorları olan yeni məlumat-əyləncə sistemi quraşdırılıb.

"Qaynar" Audi RS3 Sportback 2015 heçbekinin ictimai premyerası gələn ilin yazında Cenevrə avtosalonunda nəzərdə tutulub. Bazarda yeni model istisnasız olaraq beşqapılı kuzovla təklif ediləcək.

Milli.Az

Böyütmək üçün şəkillərə klikləyin.