"O səs Türkiyə"də Azərbaycan mahnısı: "anonim"dən betər - VİDEO

10 Dekabr 2014 09:47

Ərdəhan vilayətindən qatılan 16 yaşlı iştirakçı "Əziz dostum" mahnısını ifa edib

Türkiyənin ən reytinqli televiziya proqramlarından olan, tanınmış prodüser Acun Ilıcalıya məxsus "TV8"in efirində yayımlanan "O səs Türkiyə" müsabiqəsində növbəti dəfə Azərbaycan mahnısı səsləndirilib.

Anspress-in xəbərinə görə, müsabiqəyə Türkiyənin Ərdəhan vilayətindən qatılan 16 yaşlı iştirakçı "Əziz dostum" mahnısını ifa edib.

İfası münsiflər heyətindən Ebru Gündeşlə Hadisə tərəfindən bəyənilən Sahil Ekmekçi müsabiqəyə Ebru ilə davam etmyə qərar verib.

Qeyd edək ki, sözləri Rəsul Həmzətov, musiqisi Qulu Əsgərova aid olan "Əziz dostum" mahnısı daha əvvəl bir çox tanınmış türkiyəli müğənni tərəfindən ifa olunub və təəssüf ki, bir çox halda mahnı anonim kimi təqdim olunub. "O səs Türkiyə" müsabiqəsi isə mahnını "sözləri: Arif Babayev, Şah Ruh - bəstəkarı: Əzizə Gürsəs" kimi təqdim edib.

Milli.Az

Videonu izləmək üçün şəklə klikləyin.