"Spice Girls" qrupunun sabiq solisti Ceri Holliuel beynəlxalq "Formula-1" avtoçempionatının bosslarından biri, "İnfiniti Red Bull Racinq" komandasının sahibi Kristian Hornerlə nişanlanıb.
41 yaşlı milyarder Horner və 42 yaşlı müğənni Holliuel bu yaxınlarda ailə quracaqlarını bəyan ediblər.
Milli.Az TMZ-yə istinadən bildirir ki, bununla bağlı açıqlama The Times qəzetinin ənənəvi ad günləri, elanlar və başsağlıqları bölməsində dərc olunub. Belə elanın dərci 342 funt-sterlinqdir.
Ceri Holliuellə Kristian Horner bu ilin əvvəlində tanış olmuşdular. Mart ayından bəri onların nişanlanacağı barədə iddialar dolaşırdı.
Daha sonra onlar "Formula-1" avtoçempionatının Monako və Silverstoun mərhələlərində birlikdə olmuşdular.
Cerrinin əvvəlki nikahdan 8 yaşlı, Hornerin isə 1 yaşlı qızları var.
Milli.Az
Böyütmək üçün şəkillərə klikləyin.
