Məktəbdə partlayış, ölənlər və yaralananlar var - YENİLƏNİB
5 Noyabr 2014 22:14
Donetskdə partlayış zamanı ölənlər arasında uşaq da var
-------- 22:14
Ukraynanın Donetsk şəhərində 63 saylı məktəbə mərmi düşüb.
APA-nın UNİAN agentliyinə istinadən verdiyi xəbərə görə, nəticədə iki nəfər, 8-ci sinif şagirdi və 18 yaşlı məktəbin məzunu ölüb.
Məlumata görə, 4 nəfər yaralanıb, onlardan üçünün 17, birinin isə 21 yaşı var. Xəsarət alanlardan birinin vəziyyəti ağır kimi qiymətləndirilir. Şahidlərin sözlərinə görə, insident zamanı uşaqlar məktəbin stadionunda futbol oynayırmışlar.
--------- 21:31
Ukraynanın Donetsk vilayətində məktəblərdən birinə top mərmisi düşüb.
Milli.Az anspress-ə istinadən xəbər verir ki, bu barədə Ukrayna mətbuatı yazır.
Xəbərdə bildirilir ki, partlayış bir neçə saat bundan əvvəl baş verib.
"Mərmi məktəbə düşərkən şagirdlər futbol meydançasında idi. Partlayış zamanı ölənlər və yaralananlar var. Ölənlər arasında uşaqların da olduğu bildirilir", deyə Ukrayna mətbuatı yazır.
Şahidlərin sözlərinə görə, partlayış baş verərkən uşaqlar stadionda futbol oynayırdılar.
Yaralılar xəstəxanaya yerləşdiriliblər. Onlardan birinin vəziyyətinin ağır olduğu bildirilir. Milli.Az