Aparıcı Mikayıla "oğurluq malı" aşıq veribmiş – VİDEO

4 Noyabr 2014 17:21

"Space" telekanalında yayımlanan "Sevimli şou" verilişinin aparıcısı Mikayıl Güləddinoğlu adının şeir oğurluğunda hallandırılmasına münasibət bildirib

Milli.Az bildirir ki, teleaparıcı publika.az-a açıqlamasında deyib ki, oğurluq olduğu iddia edilən "Mənim həyat yoldaşım" adlı şeiri ona aşıq Fərhad verib və mətni öz şeiri kimi təqdim edib:
"Fərhad dedi ki, bu, mənim şeirimdir. Mən də efirdə onu Fərhadın şeiri kimi təqdim etdim. O xanım kimdirsə, yəqin, verilişə diqqətlə baxmayıb. Mən heç vaxt deməmişəm ki, bunu özüm yazmışam. Bəli, qızlarıma həsr etdiyim şeirim var və onun özümün olduğunu da demişəm. Verilişimdə Ramiz Rövşən, Salam Sarvan, İlham Qəhrəman kimi şairlərin şeirlərini demişəm. Nəsimidən, Füzulidən qəzəllər səsləndirmişəm. Axı muğamın ortasında necə deyim ki, bu, filankəsin şeiridir".

Qeyd edək ki, iki gün öncə Biləsuvardan olan şairə xanım Mətanət Poladova ona məxsus şeirin teleaparıcı Mikayıl Güləddinoğlu tərəfindən oğurlandığını iddia etmişdi. Şairə bildirirdi ki, Güləddinoğlu "Sevimli şou" verilişinin 13.10.2014-cü il tarixində efirə gedən buraxılışında onun 20 il öncə yazdığı şeirlərindən birini öz mətni kimi səsləndirib.

Milli.Az

Videonu izləmək üçün şəkilə klikləyin.