Şəkidə Aşura

4 Noyabr 2014 13:46

Bu gün Azərbaycanda Aşura günüdür. Bu münasibətlə Şəkidə də təziyyə məclisləri keçirilib, xütbələr oxunub.

Milli.Az Kanal S-ə istinadən bildirir ki, Şəkinin İmam Əli məscidində keçirilən təziyə məclisində Kərbəla şəhidlərinin şəninə xütbələr oxunub, habelə Vətən uğrunda şəhid olanların əziz xatirəsi yad edilib.

Mərkəzi Qan Bankının Şəki şöbəsinin əməkdaşları məscidə ezam olunublar, Kərbəla şəhidlərinin xatirəsinə qan vermə aksiyası təşkil edilib. Gün ərzində 40-50 nəfərdən qan alınaraq, tibbi ehtiyacı olanlar üçün saxlanılıb.

Qeyd edək ki, Qafqaz Müsəlmanları İdarəsinin fətvasına görə, bu il məhərrəm ayının 1-i oktyabrın 26-na, Aşura günü noyabrın 4-nə təsadüf edir.

Milli.Az