Asiya İnkişaf Bankının prezidenti Fəxri xiyabanı və Şəhidlər xiyabanını ziyarət edib
4 Noyabr 2014 09:24
Ölkəmizdə səfərdə olan Asiya İnkişaf Bankının prezidenti Takehiko Nakao noyabrın 4-də Fəxri xiyabana gələrək müasir müstəqil Azərbaycan dövlətinin memarı və qurucusu, ümummilli lider Heydər Əliyevin xatirəsini ehtiramla yad edib, məzarı önünə əklil qoyub.
Görkəmli oftalmoloq alim, akademik Zərifə xanım Əliyevanın məzarı üzərinə də güllər düzülüb.
AzərTAc xəbər verir ki, qonaq sonra Şəhidlər xiyabanında Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının xatirəsini ehtiramla anaraq, məzarları üzərinə tər çiçəklər düzüb.
Asiya İnkişaf Bankının prezidenti Bakının ən hündür nöqtəsindən Azərbaycan paytaxtının mənzərəsini seyr edib.
Milli.Az