Xərçəngdən əziyyət çəkən qadın intihar etdi - VİDEO

4 Noyabr 2014 09:35

Qadın baş ağrıları dözülməz həddə çatanda həkimdən ona ölümcül dozada dərman vurmasını istəyib

Amerika Birləşmiş Ştatlarının Oreqon ştatında beyin xərçəngindən əziyyət çəkən 29 yaşlı qadın eftanaziya üsulu ilə intihar edib. Britani Meynard bir müddət əvvəl intiharı üçün ən ideal tarixin noyabr ayının 1-i olduğunu müəyyən etmişdi. O, baş ağrıları dözülməz həddə çatanda həkimdən ona ölümcül dozada dərman vurmasını istəyib. Gənc qadının öz istəyi ilə ölümü Amerikada polemikaya səbəb olub.

Milli.Az-ın anspress-ə istinadən məlumatına görə, Britani Meynard ölümündən öncə "You Tube" videoportalında öz qərarının səbəbini izah edib. Kadrlar 9 milyon izləyici toplayıb.

Qadın öz ölümün şərəfli ölüm adlandırıb.

Qadına yanvar ayında xərçəng diaqnozu qoyulduqdan sonra o, eftanaziya hüququndan istifadə etmək üçün həyat yoldaşı ilə yaşadığı Kaliforniya ştatından Oreqon ştatına gəlib.

Oreqon ştatında eftanaziya hüququ 1997-ci ildən qüvvəyə minib. Kaliforniya ştatında isə, eftanaziya qeyri-qanuni hesab olunur.

Milli.Az

Videonu izləmək üçün şəklə klikləyin.