Rusiyada dəhşətli partlayış: ölən və yaralananlar var
3 Noyabr 2014 11:23
Rusiyanın Perm şəhərində baş verən partlayış nəticəsində yaşayış evinin bir hissəsi uçub, ölən və yaralananlar var
Noyabrın 3-də səhər Rusiya Federasiyasının Perm şəhərində üçmərtəbəli yaşayış evinin bir hissəsi uçub.
APA-nın RİA Novosti agentliyinə istinadən verdiyi məlumata görə, hadisə qaz partlayışı nəticəsində baş verib.
İlkin xəbərə görə, hadisə nəticəsində 2 nəfər ölüb, 6 nəfər yaralanıb.
Lakin "İnterfaks" Rusiya DİN-in Perm diyarı üzrə Baş İdarəsinə istinadən binanın uçması nəticəsində 1 nəfərin öldüyü, 7 nəfərin xəsarət aldığı barədə məlumat yayıb.
Hadisə yerində 120 xilasedici və 30 texnika çalışır. Axtarış-xilasetmə işləri davam etdirilir. Milli.Az