Güclü qar səbəbindən bağlanan Quba-Xınalıq yolu açılıb.
17:23
Bu barədə APA-ya Quba 6 saylı Yol İstismar İdarəsinin (Yİİ) sahə rəisi Bilal Sultanov məlumat verib. Onun sözlərinə görə, səhər saatlarından etibarən yolun qardan təmizlənməsi və açılması üçün əraziyə 6 saylı Yİİ-nin texnikası və canlı qüvvəsi cəlb olunub. Texnikanın köməkliyi ilə Xınalıq istiqamətində avtomobillərin hərəkəti üçün yaranmış məhdudiyyət tam aradan qaldırılıb.
Qeyd edək ki, güclü qarın yağması nəticəsində Quba-Xınalıq yolunun 30-cu km-dən sonra Xınalıq istiqamətinə maşınların hərəkəti dayanmışdı.