Qurban Qurbanov qələbəni şərh etdi

2 Noyabr 2014 22:24

Topaz Premyer Liqasının XI turunun sonuncu oyununda "Qarabağ" "Araz Naxçıvan"ı 4-0 hesabı ilə məğlub etdi. Bu qələbədən sonra "Qarabağ" turnir cədvəlinin zirvəsinə yeksəldi.

Milli.Az pfl.az-a istinadən xəbər verir ki, "Qarabağ"ın baş məşqçisi Qurban Qurbanov qələbəni belə şərh etdi:

"Bizim üçün hər bir qələbə vacibdir. Rəqib hesabda geridə olsa da, mübarizə aparırdı. Bir neçə epizodda səhv etdik. Amma bütün bunlara baxmayaraq, oyunumuzdan razıyam. "Araz Naxçıvan"ın baş məşqçisi Əsgər müəllimə uğurlar arzu etmək istəyirəm. Biz isə qarşıdakı çətin oyunumuza hazırlaşmalıyıq".

Milli.Az