Qıza bıçaqla xəsarət yetirərək oğurluq edən şəxs tutuldu

31 Oktyabr 2014 16:46

Sabirabad rayonunun Axıska kəndində yaşayan Şıxəliyev Zaur Heybəli oğlu polisə ərizə ilə müraciət edərək bildirib ki, onun evinə naməlum maskalı şəxs basqın edərək, 1998-ci il təvəllüdlü qızı Fidan Şıxəliyevanı bıçaqla hədələyərək xəsarət yetirib.

Sonra qızıl-zinət əşyalarını oğurlayaraq aradan çıxıb. Milli.Az El TV-yə istinadən xəbər verir ki, Sabirabad Rayon Polis Şöbəsinin əməkdaşlarının keçirdiyi əməliyyat axtarış tədbirləri nəticəsində hadisəni törədən şəxsin rayonun Surra kənd sakini, 1973-cü il təvəllüdlü Namiq Səmid oğlu Səmədov olduğu aydınlaşıb.

O, tutulub. Onun basqın zamanı istifadə etdiyi əşyalar və oğurladığı qızıl-zinət əşyaları maddi sübut kimi götürülüb. 230 manat dəyərində qızıl-zinət əşyaları geri qaytarılıb. Faktla bağlı cinayət işi açılıb, araşdırma aparılır.

Milli.Az