"Atletiko"nun futbolçusu Arda Turan İspaniya Peşəkar Futbol Liqası tərəfindən cəmi bir mükafat almalarına münasibət bildirib.
Milli.Az qol.az-a istinadən xəbər verir ki, türk yarımmüdafiəçi komandanın cəmi bir mükafatın (Dieqo Simeone üçün verilən ötən mövsümün ən yaxşı baş məşqçisi mükafatı - red.) verilməsinin haqsızlıq olduğunu deyib. O bildirib ki, Ronalduya verilən mükafatdan başqa, bütün mükafatlara "Atletiko"nun futbolçuları layiq görülməli idi:
""Atletiko" 18 illik fasilədən sonra ötən mövsüm İspaniya çempionu oldu. Ancaq komandanın sabiq qapıçısı, bütün çempionatı yüksək səviyyədə keçirən Tibo Kurtuaya belə mükafat verilmədi. Ronalduya verilən mükafatdan başqa, bütün mükafatlara bizim oyunçular layiq idi. Cəmi bir mükafat almağımıza inana bilmirik".
Milli.Az