Topaz Premyer Liqasının ilk 10 turunda meydana çıxan futbolçuların orta yaş həddi bəlli olub.
Milli.Az apasport.az-a istinadən xəbər verir ki, baş tutan qarşılaşmalarda 225 futbolçu meydana çıxıb.
Onlardan biri - Junior Nildo iki komandada - "İnter" və "Xəzər Lənkəran"da forma geyinib. Ümumilikdə isə futbolçuların orta yaş həddi 25 yaş 8 ay 27 gündü.
Çempionatın ən gənc komandası "Bakı"dır. 24 futbolçuya güvənən paytaxtın eyniadlı təmsilçisi kimi "Sumqayıt" və "Neftçi"də də bu rəqəm 25 yaşdan aşağıdır. Ən yaşlı komanda isə "İnter"dir. "Bankirlər" ən yaxın izləyicilərini ay hesabı ilə qabaqlayır.
yer | klub | orta yaş | Futbolçu sayı |
1 | "Bakı" | 24 yaş 3 ay 17 gün | 24 |
2 | "Sumqayıt" | 24 yaş 11 ay 4 gün | 21 |
3 | "Neftçi" | 24 yaş 11 ay 11 gün | 26 |
4 | "Araz Naxçıvan" | 25 yaş 7 gün | 26 |
5 | AZAL | 26 yaş 2 ay 15 gün | 21 |
6 | "Simurq" | 26 yaş 3 ay 5 gün | 21 |
7 | "Qəbələ" | 26 yaş 3 ay 20 gün | 21 |
8 | "Qarabağ" | 26 yaş 4 ay 25 gün | 23 |
9 | "Xəzər Lənkəran" | 26 yaş 7 ay 28 gün | 23 |
10 | "İnter" | 26 yaş 9 ay 13 gün | 20 |
Cəmi | 25 yaş 8 ay 27 gün | 225 |
Çempionatın ən yaşlı siması isə "Xəzər Lənkəran"ın qapıçısı Cahangir Həsənzadədir - 35 yaş 2 ay 29 gün.
"Sumqayıt"ın kapitanı Ruslan Poladov (34 yaş 11 ay 1 gün) ikinci, onun komanda yoldaşı Aleksandr Çertoqanov (34 yaş 8 ay 22 gün) üçüncüdür. "Bakı"nın gənc istedadı Mahir Mədətov isə Premyer Liqada hamıdan kiçikdir - 17 yaş 4 ay 1 gün.
"Sumqayıt"lı Fərid Kərimzadə (17 yaş 6 ay 27 gün) və "Xəzər Lənkəran"lı Elnur Cəfərov da (17 yaş 7 ay 4 gün) ilk "üçlük"dədir. Ən gənc və yaşlının - Mahirlə Cahangir arasında 17 yaş 10 ay 27 gün fərq var. Bu isə ən gənc oyunçunun yaşından da çoxdur.
Milli.Az