Moskvada maşın dayanacağın dördüncü mərtəbəsindən aşdı, dörd ölü
31 Oktyabr 2014 09:37
Moskva vilayətinin Lyubertsı şəhərində avtomobil dayanacağın dördüncü mərtəbəsindən aşıb, dörd nəfər ölüb. Trend TASS agentliyinə istinadən bu barədə Moskva vilayətinin polis mətbuat xidməti xəbər verir.
"Hadisə saat 21:00 radələrində "Viraj" avtoparkinq kompleksində baş verib. Dörd gənc "Toyota" avtomobili ilə hasarı qıraraq 4-cü mərtəbədən aşıb. Üç nəfər hadisə yerində həlak olub, daha bir nəfər xəstəxanaya çatdırılan zaman ölüb", - mətbuat xidmətindən deyiblər.
Hadisə yerində müstəntiqlər və Yol Patrul Xidmətinin əməkdaşları işləyirlər.
Milli.Az