Partlayış zamanı yaralanan 3 nəfərin vəziyyəti ağırdır
Ağcabədinin Salmanbəyli kəndində fərdi yaşayış evlərindən birində baş vermiş partlayış nəticəsində yaralananların adları məlum olub.
Anspress-in verdiyi məlumata görə, yaralılar 60 yaşlı Nübar Bayramova, 33 yaşlı Səhər Bayramova və 6 yaşlı İsa Bayramov yanıq xəsarətləri ilə Ağcabədi Rayon Xəstəxanasına çatdırılıblar.
İlkin tibbi yardım göstərildikdən sonra hər üç yaralı Bakıya, Yanıq Mərkəzinə göndərilib. Xəstələrin vəziyyəti ağır qiymətləndirilir. FHN-in məlumatına əsasən, 70 kv.m sahəsi olan 2-otaqlı evdə partlayışa səbəb məişət qazının sızması olub.
