Bakıda 4 insanın faciəsi: ata həbsdə, uşaqlar zibillikdə - VİDEO
31 Oktyabr 2014 11:36
O, uşaqlara fiziki zor tətbiq edir, onları döyür və diləndirir
Dünən "Adam içində" verilişində müzakirə olunan məsələlərdən biri də ananın 3 uşağı ilə birlikdə zibillikdə yaşaması oldu.
ANS TV-nin xəbərinə görə, məlum olub ki, onun qeyri-rəsmi həyat yoldaşı həbs olunub. Bundan sonra imkansız ailə dolanmaqda çətinlik çəkib. Vəziyyət o həddə çatıb ki, ana zibillikdən topladığı ərzaqlarla övladlarını qidalandırır və onlarla bərabər zibillikdə yaşayır. Verilişdə qonaq qismində iştirak edənlər bunu eşidəndə daha çox ananı qınadılar.
Geyimindən də kifayət qədər imkansız olduğu görünən qadına övladlarını uşaq evinə verməsi təklif olunduqda isə bu, ananın etirazına səbəb oldu. "Adam içində"nin qonaqları isə uşaqların taleyi üçün bunun vacibliyini anaya izah etməyə çalışdılar.
Verilişin gedişatında isə insanları təəccübləndirən məqamlar da ortaya çıxdı. Studiyaya daxil olan telefon zəngi ilə məlum oldu ki, ana uşaqlara fiziki zor tətbiq edir, onları döyür və diləndirir. 3 uşaq anası bu ittihamlarla razılaşmadı.
