Tələbənin avtomobili yandı

30 Oktyabr 2014 20:58

Tələbə, Ağcabədi rayonu Yuxarı Qiyaməddinli kənd sakini Nazim Bəylər oğlu Mirzəyevə məxsus minik avtomobili yanıb. Milli.Az El TV-yə istinadən xəbər verir ki, hadisə Ağdam rayonu Quzanlı qəsəbəsində qeydə alınıb.

Dövlət Sosial-İqtisad Kollecinin qarşısında saxlanılan "Chevrolet Niva" markalı avtomobil qəflətən alışıb. Hadisə yerinə dərhal yanğınsöndürənlər cəlb edilib və alovun qarşısı alınıb. İlkin ehtimala görə, yanğın avtomobildəki texniki nasazlıq səbəbindən baş verib. Faktla bağlı araşdırma aparılır.

Milli.Az