Noyabrda 3 gün iş olmayacaq

30 Oktyabr 2014 16:26

Bayraq günü münasibətilə qeyri-iş günün sayı açıqlanıb

Bayraq günü - 9 noyabr bazar gününə təsadüf etdiyi üçün noyabrın 10-u da qeyri-iş günü olacaq.

Bunu anspress-ə Nazirlər Kabinetinin mətbuat xidmətinin rəhbəri Akif Əli bildirib.

Onun sözlərinə görə, Bayraq günü bazar gününə təsadüf etdiyindən növbəti iş günü - 10 noyabr da qeyri-iş günü elan olunub.

Qeyd edək ki, noyabrın 8-i şənbə gününə təsadüf etdiyindən həftənin 5 günü işləyən müəssisələrdə 3 gün qeyri-iş günü olacaq.

Milli.Az