Amerika Birləşmiş Ştatlarının "Fox News" telekanalı Bin Ladeni öldürən şəxsi göstərəcək.
Anspress-in məlumatına görə, ABŞ-ın "Fox News" telekanalı noyabr ayının 1-də xüsusi əməliyyat nəticəsində Pakistanda "Əl-Qaidə" lideri Üsamə bin Ladini öldürən şəxslə müsahibəsini təqdim edəcək. Bu barədə "The Hollywood Reporter"in yaydığı xəbərdə deyilir.
Telekanalın press-relizində sənədli filmdən söz açılarkən qatilin ad və soyadını da açıqlayacağı bildirilir.
Qeyd edək ki, "əl-Qaidə" lideri Üsamə bin Laden 2011-ci il may ayının 2-də Pakistanın Abbottabad şəhərində ABŞ Silahlı Qüvvələri tərəfindən 40 dəqiqəlik bir atışmadan sonra öldürülüb. Bin Ladenin cəsədini ələ keçirən ABŞ ordusu onun heç bir ölkə tərəfindən qəbul edilməyəcəyini düşünərək dənizə atıb.