"Azəriqaz" İstehsalat Birliyinin İctimaiyyətlə əlaqələr şöbəsinin rəisi vəzifədən azad edilib.
Anspress-in məlumatına görə, bunu Araz Ağayev özü bildirib.
O, sosial şəbəkədə öz təşəbbüsü ilə işdən azad edildiyini bildirib.
"Dəyərli dostlar! Hörmətli KİV təmsilçiləri! Bu gündən etibarən öz təşəbbüsümlə ARDNŞ-nin "Azəriqaz" İstehsalat Birliyinin İctimaiyyətlə əlaqələr şöbəsinin rəisi vəzifəsindən azad olunduğumu nəzərə alın. Hər birinizə işlərinizdə uğurlar arzulayıram".
Qeyd edək ki, A.Ağayev 2012-ci ildə bu vəzifəyə təyin edilmişdi. A.Ağayev 1999-2006-cı illərdə "Kaspi" qəzetində çalışıb.
"Azəriqaz"a mətbuat xidmətinin rəhbəri təyin olunanadək isə ARDNŞ-in Neft-Qaz Elmi-Tədqiqat Layihə İnstitutunda kadrlar şöbəsinin rəisi olub.