Lava Paoha şəhərini "udmaq" üzrədir - VİDEO

29 Oktyabr 2014 11:11

Rəsmilər lavanın 1 sutka ərzində yaşayış məskənlərinə çatacağına dair xəbərlarlıq ediblər

Amerika Birləşmiş Ştatlarının Havay ştatında bir qədər əvvəl püskürən Kilauea vulkanının lavası Paoha şəhərini udmaq üzrədir. Rəsmilər lavanın 1 sutka ərzində yaşayış məskənlərinə çatacağına dair xəbərdarlıq ediblər. Yanar od kütləsinin qarşısını almaq isə heç cür mümkün deyil. Evləri təhlükə altında olan sakinlər çarəsiz şəkildə evlərinin nə vaxt yanacağını gözləyirlər.

Milli.Az-ın anspress-ə istinadən məlumatına görə, rəsmilər insan itkisinin qarşısını almaq üçün təhlükəli yerlədən sakinləri təxliyə ediblər. Məlumata görə, lava ilə ən yaxın yaşayış məntəqəsi arasında cəmi 70 metr qalıb. Lavanın 12 saat ərzində 35 metr irəlilədiyi müşahidə olunub.

Kilauea vulkanı 1983-cü ildən fəallaşıb. Müəyyən aralıqlarla püskürən vulkan 1990-cı ildən sonra indiyə qədər 200-dən çox evi məhv edib. Sonuncu dəfə isə 2011-ci ildə lavaların yaşayış məntəqələrinə yaxınlaşması ilə əlaqədar təxliyə işləri aparılıb.

Milli.Az

Videonu izləmək üçün şəklə klikləyin.