ASUS MeMO Pad 10 (ME103K) adlı model 1280x800 piksel təsvir ölçülü 10.1 düymlük ekran, 1,5 QHs takt tezlikli dördnüvəli Qualcomm Snapdragon S4 Pro 8064 +MDM9215M prosessoru, 1 QB əməli və 32 QB daxili yaddaşla təchiz olunub və Android 4.4 KitKat əməliyyat sistemi quraşdırılıb.
Milli.Az ICTnews-a istinadən bildirir ki, rəqəmli məzmunu, həmçinin microSD yaddaş kartlarında və ASUS Webstorage bulud xidmətində saxlamaq olar.
Modeldən asılı olaraq, əsas kameranın təsvir ölçüsü 2 və ya 5 meqapiksel ola bilər və ön kameranın təsvir ölçüsü isə 0,3 meqapiksel təşkil edir.
Bundan başqa, qurğu Wi-Fi 802.11 b/g/n, Bluetooth 4.0 və GPS/QLONASS simsiz rabitə modulları ilə təchiz edilib.
Qurğunun ölçüləri 256x174x9,9 mm, çəkisi 525 qram təşkil edir.
2014-cü ilin noyabrında ASUS MeMO Pad 10 (ME103K) planşeti Avropa bazarında satışa çıxarılacaq. Tayvan istehsalçısı öz qurğusunu 200 avro məbləğində qiymətləndirib.
Milli.Az