Balakəndə müəmmalı bıçaqlanma - VİDEO

28 Oktyabr 2014 12:05

Ötən gün Balakən rayonu ərazisində bıçaqlanma hadisəsi baş verib.

Milli.Az Kanal S-ə istinadən bildirir ki, Balakən Rayon Mərkəzi Xəstəxanasından verilən məlumata görə, rayonun Tülü kənd sakini, 1976-cı il təvəllüdlü Bayramov Akif Camal oğlu qarın boşluğunun kəsilmiş və daxilə nüfuz edən bıçaq yarası ilə xəstəxanaya daxil olub. 38 yaşlı Akif Bayramovun üzərində cərrahiyə əməliyyatı aparıldıqdan sonra o, xəstəxananın reanimasiya şöbəsinə yerləşdirilib. Xəstənin vəziyyəti hazırda orta-ağır qiymətləndirilir.

Balakən Rayon Polis Şöbəsindən verilən məlumata görə, məlum hadisə ilə əlaqədər cinayət işi qaldırılıb, Akif Bayramovun hansı şəraitdə və kim tərəfindən bıçaqlanması araşdırılır.

Milli.Az

Videonu izləmək üçün şəklə klikləyin.