Müğənni Rəqsanəyə bənzədilməsindən narazılıq etdi - VİDEO

28 Oktyabr 2014 11:40

"Sənətə Hicran kimi gəlmişəm. Fərqli ifam və görünüşüm var"

Milli.Az-ın pressaz.com-a istinadən xəbərinə görə, mahnısı və klipi ilə diqqət çəkən müğənni Hicran Selcan həmkarı Rəqsanəyə bənzədilməsindən dolayı narazılıq edib. Hətta bəziləri onu Rəqsanənin bacısı belə hesab ediblər. Müğənni açıqlama verərək Rəqsanə ilə heç bir qan bağlılığı olmadığını açıqlayıb.

O bildirib ki, nəinki Rəqsanənin bacısı deyil, ümumiyyətlə ona bənzərliyi yoxdur:

"Sənətə Hicran kimi gəlmişəm. Fərqli ifam və görünüşüm var. Peşəkar insanlarla çalışıram. Üstəlik, Rəqsanəyə bənzəmək mənim üçün prestij hesab olunmur. Bunu təhqir mənasında demirəm. Sadəcə nəinki Rəqsanəyə, ümumiyyətlə, hansısa tanınmışa bənzədilməyimi müsbət hal kimi qarşılamıram".

Xatırladaq ki, Hicran Selcan az müddət əvvəl sözləri və musiqisi Azər Nəsibovun olan "Günahkardır qəlbimiz" adlı mahnısına klip çəkdirib. Mahnı radiolarda dinləyicilər tərəfindən yaxşı qarşılanıb.

Milli.Az sözügedən klipi diqqətinizə çatdırır.

Milli.Az

Videonu izləmək üçün şəklə klikləyin.