Amerika Birləşmiş Ştatlarında (ABŞ) yaşayan bir uşaq yaşadığı xəstəliklə hamının diqqətini çəkməkdədir.
Anspress-in məlumatına görə, ABŞ-ın Lova ştatında yaşayan Lendon Cons adlı bir uşaq yaxalandığı xəstəlik ucbatından aclıq və susuzluq hisslərindən məhrum olub.
Ailəsi 12 yaşlı oğullarının ötən il oktyabrın 14-dən etibarən gün boyu aclıq və susuzluq hiss etmədiyini bildirib.
Sol ağciyərində meydana gələn bakterial infeksiyadan sonra özünü narahat hiss edən uşağı həkimə aparıblar. Lakin həkimlər onun xəstəliyi haqqında ətraflı açıqlama vermirlər.
Uşağın xəstəliyinin nə olmasını aydınlaşdırmaq üçün Bethesdə yerləşən Milli Tibb İnstitutunda müəyyən testlərin aparılmalı olduğu açıqlanıb.