Mahir Şükürov Türkiyədə möhtəşəm qol vurdu - VİDEO

27 Oktyabr 2014 11:35

Türkiyə PTT 1. Liqasında çıxış edən "Karşıyaka" "Manisaspor"a qonaq olub.

Milli.Az anspress-ə istinadən xəbər verir ki, "Karşıyaka"da çıxış edən Azərbaycan millisinin üzvü Mahir Şükürov matçda komandasının ilk qolunu vurub.

"Manisaspor" qarşısında hesabı 1:0 önə keçirən futbolçumuz "Karşıyaka" formasıyla ilk qoluna imza atıb. Cərimə zərbəsi yerinə yetirən milli oyunçu möhtəşəm qol vurub. Oyunda ikinci qolu isə Ofoedu vurub.

Bununla da səfərdə ardıcıl olaraq 2-ci dəfə qələbə qazanan klub xal ehtiyatını 11-ə çatdırıb və turnirdə 7-ci sırada qərarlaşıb.

Qeyd edək ki, oyunda Mahir Şükürov qayda pozuntusuna görə sarı vərəqə görüb. Futbolçu bir daha kart görəcəyi təqdirdə cəzalı vəziyyətə düşəcək.

Milli.Az

Videonu izləmək üçün şəklə klikləyin.