İŞİD kürd partiyasının qərargahını topla atəşə tutdu
27 Oktyabr 2014 10:30
Peşmərgə silahlıları şəhərin şərq hissəsindən terrorçuların mövqelərini hədəfə alıblar
Suriyanın Türkiyə ilə sərhəd Kobani şəhərində İŞİD terrorçu qruplaşması ilə kürd qüvvələri arasında qarşıdurmalar olub.
Anspress-in məlumatına görə, İŞİD silahlılarının bir qədər əvvəl Kobanidə şəhər mərkəzini ələ keçirmələrinə dair xəbərlər yayılmışdı.
Məlumata görə, ötən gün tərəflər arasında baş verən qarşıdurmalar zamanı İŞİD-çilər kürd partiyası PYD-nin baş qərargahını topdan və digər ağır artilleriyadan atəşə tutublar. Peşmərgə silahlıları isə şəhərin şərq hissəsindən terrorçu qruplaşmanın mövqelərini hədəfə alıblar.
Gün ərzində qarşıdurmalar davam etsə də, anti-İŞİD koalisiyasına məxsus qırıcıların İŞİD-çilərə müdaxiləsi müşahidə olunmayıb.