Azərbaycanda avtomobil dərəyə aşdı: 3 nəfər xəsarət aldı

27 Oktyabr 2014 09:11

Ötən gecə Gəncə-Daşkəsən-Xoşbulaq avtomobil yolunun 22-ci kilometrliyində yol qəza hadisəsi baş verib.

Milli.Az Kəpəz TV-yə istinadən bildirir ki, Gəncə sakini, 34 yaşlı Hidayət Əhmədov "Ford" markalı yük avtomobili ilə hərəkətdə olarkən idarəetməni itirib və avtomobili yolun kənarındakı dərəyə aşırıb. Nəticədə sürücü və onun sərnişinləri - 33 yaşlı Vüsalə və 16 yaşlı Zeynəb Məmmədovalar müxtəlif dərəcəli xəsarətlərlə Gəncə Şəhər Təcili Tibbi Yardım Xəstəxanasına gətiriliblər. Həkimlər hər üç xəstəyə ilkin yardım göstərərək stasionar müalicə üçün palataya yerləşdiriblər.

Milli.Az