Miqrantlara etiraz edən almanlar öz polislərini döydülər
27 Oktyabr 2014 09:19
Neonasistər islamçılara və miqrantlara qarşı etiraz aksiyası keçiriblər
Almaniyanın Köln şəhərində islamçı ekstremizmə qarşı keçirilən etiraz aksiyası sonda təhlükəsizlik qüvvələri ilə fəallar arasında qarşıdurmalara səbəb olub.
Anspress-in məlumatına görə, Köln futbol klubunun azarkeşləri matçı izlədikdən sonra şəhərin mərkəzində toplaşaraq etiraz aksiyası keçiriblər.
İcazəsiz aksiyaya polis müdaxilə edib. Fəallar daş və yanıcı-kəsici maddələrlə polisə hücum ediblər.
Polis isə təzyiqli su ilə aksiyanı dağıtmağa çalışıb. Aksiya iştirakçıları polis avtomobillərini aşırıblar.
Qarşıdurmalarda zorakılıq törədən 6 nəfər həbs olunub. Toqquşmalar zamanı 13 polis əməkdaşı və 1 etirazçı xəsarət alıb.
Məlumata görə, aksiya neonasist qruplaşma tərəfindən təşkil edilib. Fəallar, eyni zamanda, "xaricilər getsinlər" şüarları ilə çıxış ediblər.