Paytaxtda zəncirvari qəzada 3 maşın əzildi

25 Oktyabr 2014 09:38

Bakının Yasamal rayonunda qəza baş verib. APA TV-nin məlumatına görə, hadisə Şərifzadə -163 ünvanında qeydə alınıb. Hələlik sürücüsü məlum olmayan "Mitsubishi" markalı minik maşını işıqforun qırmızı işığında dönmək istəyən "Mercedes"i, daha sonra isə "Volkswagen"i vurub. Baş verən qəzada xəsarət alan olmasa da hər 3 avtomobilə ziyan dəyib. Qəzadan sonra sürücülər arasında mübahisə yaranıb. Əraziyə Yol Patrul Xidmətinin əməkdaşları gəliblər. İlkin ehtimallara görə, qəzanın baş verməsinə "Mercedes"in sürücüsü səbəb olub.

Faktla bağlı araşdırma aparılır.

Milli.Az