HTC One (M8) Eye smartfonu 1920x1080 piksel təsvir ölçülü 5 düymlük ekran, 2.5 QHs takt tezlikli dördnüvəli Qualcomm Snapdragon 801 prosessoru, 2 Gb əməli və 16 Gb daxili yaddaşla təchiz edilib.
Milli.Az ICTnews-a istinadən bildirir ki, qurğuda 4G LTE, Wi-Fi 802.11 a/ac/b/g/n (2,4 və 5 GHz), GPS/QLONASS və aptX dəstəkləyən Bluetooth 4.0 simsiz rabitə modulları, 2600 milliamper/saat tutumunda akkumulyator mövcuddur və Android 4.4 KitKat əməliyyat sistemi ilə işləyir.
Bundan əvvəl nümayiş etdirilmiş HTC One (M8) qabaqcıl modeli də eyni xarakteristikalara malikdir. Yeganə fərq kamerasındadır: dörd ultrapiksellik fotomodulun əvəzinə HTC One (M8) Eye smartfonunda ikiqat kamera istifadə olunur.
Çində HTC One (M8) Eye smartfonu üçün artıq ilkin sifariş açılıb. Cihazın qiyməti təxminən 650 dollar təşkil edir.
Milli.Az