Milli.Az-ın Rusiya mətbuatına istinadən məlumatına görə, alimlərin apardıqları araşdırma nəticəsində məlum olub ki, insanların kofeinə qarşı sevgisi də genetika ilə bağlıdır.
"The Verge" yazır ki, aparılmış araşdırmalardan sonra alimlər 6 yeni genetik variasiya ortaya çıxarıblar. Həmin genetik variasiyaların kofein qəbuluna birbaşa əlaqələri var.
Tədqiqatlarda iştirak edən Harvard Universitetinin alimləri əmindirlər ki, insanın kofeinə reaksiyası genetikada özünə yer eləyib. Bəzi adamlar bir fincan qəhvə ilə gündəlik gümrahlıq qazana bilirlərsə, digər qrup insanlar kofeindən heç bir effekt ala bilmirlər.
Mütəxəssislər daim qəhvə içən 120 min insanda 2.5 milyon genetik növü araşdırıblar. Genetik məlumatların qarşı-qarşıya qoyulması ilə kofeinə meylli olan genləri ortaya çıxarıblar. Onların bir qrupu kofeindən maddələr mübadiləsinin sürətlənməsi üçün istifadə edirlərsə, digərləri, sadəcə, zövq üçün qəhvə içirlər.
Milli.Az