Evli olan azərbaycanlı teleaparıcının iş adamı ilə eşq macərası yaşadığı xəbəri yayıldı - FOTO

29 Sentyabr 2014 16:40

Xalq artisti Aygün Kazımova və müğənni Röya Ayxanın ardınca tanınmış teleaparıcı Zemfira Adıgözəlovanın da adı "sevgi qalmaqalı"nda hallanır

Milli.Az xəbər verir ki, publika.az-a daxil olan məlumata görə, teleaparıcı tanınmış iş adamı ilə eşq macərası yaşayır. Cütlüyün təxminən 2-3 ay öncə tanış olduğu bildirilir.

Qeyd olunur ki, teleaparıcı ilə iş adamı bu yay Türkiyədə tanış olublar. Əməkdaşımız məsələ ilə bağlı Z.Adıgözəlovanın da mövqeyini öyrənib.

Sualımızı gülüş və təəccüblə qarşılayan Adıgözəlova yayılan xəbərləri təkzib edib: "Mən ailəli adamam, həyatımda yoldaşımdan başqa heç kim yoxdur. Deyəsən, mətbuat axırda məni boşatdıracaq (gülür)".

Bir müddətdir efirdə olmayan teleaparıcı iş planlarından da danışıb. Bildirib ki, hazırda böyük bir telelayihə üzərində işləyir:

"Verilişin adı, yayımlanacağı tarix barədə heç nə deyə bilmərəm. Amma yaxşı mənada partlayış edəcəyinə əminəm".

Milli.Az

Böyütmək üçün şəkillərə klikləyin.