"Məni evli kişilər saxlamaq istəyirlər" deyən müğənniyə Aytən Səfərovadan cavab

29 Sentyabr 2014 14:34

ANS-in efirində biabırçılıq: "Mən "yüngül" qadın deyiləm".

Milli.Az gecce.az-a istinadən xəbər verir ki, bu gün "Günə Baxan" verilişində qonaq olan müğənni Səidə Sultan efirlərin birində ANS-in xanım aparıcısı Aytən Səfərovanın onun haqda söylədiklərinə sərt cavab verib:

"Kim mənim şəxsiyyətimə toxunarsa, min qat onun şəxsiyyətinə toxunaram. Girib mənim haqda Google-da axtarış verib, mən sənin həyatın haqda axtarış verərəm. Yeri gəlsə, danışa da bilərəm. Buna haqqım da var. Sadəcə mən onu özümə yaraşdırmıram. O mənim "kateqoriya"ma uyğun insan deyil. Minlərlə gözəl aparıcılar var, qoy onlar da müğənnilərə "sataşsınlar" da. Onlar səviyyəsini qoruyur, sən isə kimə gəldi daş atırsan, kimə gəldi söz deyirsən. Hər şeyin yeri var, olmaz!"

Studiyaya gələ bilməyən Aytən canlı efirə telefon bağlantısı edib. Aparıcı xanım Səidə Sultana cavab olaraq bunları söyləyib:

"Səidəylə mən müxtəlif "çəki"yə aid qadınlarıq. Mən "yüngül" qadın deyiləm. Mən onun haqda pis bir şey deməmişdim əslində. Sadəcə soruşdum ki, bu xanımın mədəniyyət və şou-biznesdə hansı xidmətləri var?! Mən bilmirəm Səidə Sultan necə insandır. Sadəcə soruşmuşam ki, "Səidə Sultan kimdir?" Bunu da pis anlamda deməmişəm. Səidədir də, saytlara açıqlama verir ki, "Məni evli kişilər saxlamaq istəyirlər".

Milli.Az