"Biz oyuna qələbə qazanmaq üçün çıxmışdıq. Oyuna yaxşı köklənmişdik. Hər şey yaxşı gedirdi, qol vurduq. Lakin qol vurduqdan sonra köklənmə ilə bağlı problem oldu. Daha sonra rəqib səhvimizdən yararlanıb, qapımıza yol tapdı".
Milli.Az-ın PFL-in saytına istinadən yaydığı xəbərə görə, bu sözləri "Qəbələ" klubunun baş məşqçisi Dorinel Munteanu "Xəzər Lənkəran"la matçdan (1:1) sonra deyib.
Rumıniyalı mütəxəssis hesabı qoruya bilmədiklərindən üzüldüyünü vurğulayıb: "İki xal itirdiyimizə görə çox pərt olmuşam".
Milli.Az