Yəməndə xəstəxananın qarşısında terror: 15 ölü

29 Sentyabr 2014 09:06

Yəmənin Marib (ölkənin mərkəzi hissəsi) əyalətində sentyabrın 28-də üsyançıların (xousitlər) qərargah kimi istifadə etdiyi xəstəxananın yanında minalanmış avtomobil partladılıb. Ən azı 15 nəfər ölüb, 50 nəfər yaralanıb.

Trend İTAR-TASS agentliyinə istinadən bildirir ki, bu barədə ərəb KİV-ləri məlumat verir.
Terrorçu idarə etdiyi avtomobildə quraşdırılmış partlayıcı qurğunu işə salıb.

Hücuma Əl-Cafra rayonunda yerləşən xəstəxana məruz qalıb.

Terror aktına görə məsuliyyəti öz üzərinə "Əl-Qaidə" ilə bağlı "Ənsər aş-Şaria" qruplaşması götürüb.

Milli.Az