Dağıstanda həmyerlimizin iştirakı ilə dəhşətli qəza: 2 ölü, 2 yaralı

17 Sentyabr 2014 12:53

Dağıstanda ağır yol-nəqliyyat hadisəsi baş verib

Trend Rusiya mətbuatına istinadən xəbər verir ki, Znamensk rayonunda gecə "M-6" federal yolunun 487-ci kilometrliyində Dağıstan sakini olan 42 yaşlı sürücü "Volvo" markalı yük maşınını idarə edərkən işıqforun qadağan siqnalına əhəmiyyət verməyərək eyni istiqamətdə hərəkət edən Azərbaycan Respublikası sakininin idarə etdiyi "KamAZ" yük maşınına dəyib.

Toqquşmadan sonra "KamAZ" qarşıda dayanan 22 yaşlı Volqoqrad sakinini idarə etdiyi "VAZ-21150" avtomobili vurub. "Jiquli" zərbənin təsirindən əks hərəkət zolağına düşərək "KamAZ" və "VAZ-2114" ilə toqquşub.

Toqquşma nəticəsində Volqoqrad vilayətinin 2 sakini hadisə yerində ölüb, yük maşınlarının sürücüləri müxtəlif xəsarətlərlə şəhər xəstəxanasına yerləşdiriliblər. Hazırda hadisə yerində polisin operativ istintaq qrupu çalışır.

Milli.Az