Wikileaks-lə bağlı növbəti qalmaqal

15 Sentyabr 2014 10:03

Amerikalı qaçaq aeroportda pasportunu cıraraq, qışqır-bağır salıb

Eduard Snoudenin ardınca Wikiliks saytı ilə bağlı növbəti qalmaqal ortaya çıxıb. Wikiliks saytı ilə əlaqədar ABŞ-dan qaçdığı bildirilən gənc amerikalı Şimali Koreyada saxlanılaraq, 6 il islah işlərinə məhkum olunub. 24 yaşlı Metyu Miller Koreya ərazisində "düşməncəsinə davranışlarda" təqsirli bilinib.

Milli.Az-ın anspress-ə istinadən məlumatına görə, Miller ölkəyə turist adı altında gəlməyə çalışıb. Gömrük yoxlamaları zamanı o, özünü "qeyri-adekvat" aparıb, Şimali Koreya tərəfinə görə, o, gözlənilmədən pasportuna viza ştampı vurulmuş səhifəni cıraraq, Şimali Koreya dövlətindən siyasi sığınacaq istədiyini car çəkib.

ABŞ höküməti Metyu Millerinin azad edilməsi məsələsinin əsas prioritet olduğunu bildirib.

Qeyd edək ki, Şimali Koreyada Millerdən başqa daha 2 ABŞ vətəndaşı da həbs olunub. Onlardan biri evindən Bibliya aşkarlandığına görə həbs olunub. Belə ki, sərt qanunları olan bu ölkədə xristian dinini yaymaq qadağan olunub.

Milli.Az